Лейлек жергесинде “ Өрүкзар поэзия кечеси” фестивалы 16-18-апрель күндөрү   орун алды. Жыл сайын өтүп жүрчү бул ыр кечелерден азыркы иш чаранын өзгөчөлүгү - анын эл аралык денгээлде өтүлүшү болду.

Буга мамлекет тарабынан атайын көңүл бөлүнүп акча каражаты каралды.

Ыр майрамга Орто Азиядан бир топ белгилуу акын, жазуучулар келишти

Салтанаттын алгачкы конокторун район акими К. Осмонбеков баштаган жетекчилер райондун кире беришинен салтанаттуу тосуп алышты.

Фестиваль акын К.Сабыровдун атын алып жүргөн мектепте башталып, андан ары эки күн ыр майрамы, салтанаттуу иш чаралар менен улантылды.

Эске салсак акын К.Сабыров 1942-жылы 17-апрелде Лейлек районунун Тогуз-Булак айыл аймагындагы Гордой азыркы Арча-Бешик айылында туулган.