Мунапыстын алкагында жерине кызыл китеп берүүнү сурап арыз берген жарандардын саны 135,9 миңге жетти. Бул тууралуу Айыл чарба министрлиги 14-ноябрга карата берген маалыматында билдирди.

Анын ичинен 22,4 миң үйдүн ээсине техникалык паспорт, 33,7 миң жерге жеке менчик укугу жөнүндө мамлекеттик акт (кызыл китеп) тапшырылган. Жалпы жонунан 8 484 гектар жер трансформацияланган.

Жер мунапысынын объектиси болгон жерлерди которуу (трансформациялоо) боюнча иштер жергиликтүү мамлекеттик администрациялар тарабынан жүргүзүлүп жатканы белгиленди.